Nuwe Abu Dhabi Jaar begin met nuwe tegnologie

Dis weer tyd vir ons Kindergroepe om te begin en vanjaar gaan ons aanbeweeg en ook van al die nuwe tegnologie gebruik maak om kommunikasie tussen ons en ons kinders en ouers te verbeter.

Hierdie webjoernaal sal in plaas van die weeklikse epos wees en hier gaan ons julle vertel waar en wanneer ons groep het, en ook wat ons daar doen. Ons wil weeklik foto's van ons kinders opsit en dan kan ouma, oupa en selfs tannie en oom by die huis ook loer na wat die kinders hier doen.

Almal is welkom om kommentaar en of boodskappe vir ons hiermee te stuur. Hierdie werf is vir ons en ons kinders.

Meer inligting oor die jaar wat voorlê volg binnekort, maar vereers wil ek vra

HOU DIE DATUM VAN 17 SEPTEMBER OOP...DIS WANNEER ONS BEGIN !!!!!

(Detail hieroor volg binnekort)

Intussen as u weet van enige nuwe maats in Abu Dhabi, stuur vir ons die inligting deur en vertel hulle van ons.

Sien uit daarna om almal weer te sien

Liefde

Sandra