Hoe sien ander ons

Dit raak nou vroeer donker soos julle op die foto's van die vensters kan sien, maar 'n mooi klompie van ons maats se ouers bring hulle groep toe.

Ons praat bietjie ook oor hoekom ons "worship". God gaan ons nie smeek om vir Hom te "lofprys" nie.

Om die waarheid te verwag Hy van ons sekere "vereistes" om 'n "worshipper" van Hom te wees. Een die belangrikstge een is om 'n verhouding met God te he.

Ons groei-goggas praat eers in opvolg tot verlede week se Skepping oor sonde en hoe dit ons van God skei en ons ongehoorsaam maak. Dan praat ons oor Jona in die Vis en klein Nicholas "bied" die deel van die les aan deur vir ons die storie te vertel. Ons maak ook prentjies van Jona en die vis.

Die ander groep kyk in God se Woord as spieel om te sien hoe hulle lewens werklik lyk. Daar word ook in hulle paspoort gewerk en hulle ontsyfer 'n kodeboodskap dmw van die Bybel en verskillende versies.

Die tieners vergader vanaand agter "geslote" deure waar hulle 'n Nooma dvd kyk en gesels oor "Tyd" - geen geleentheid vir foto's nie (en ek's seker hulle is bly)