'n Paar van ons maats was daar om nie-amptelike begin van die Maandagaand groepie by te woon en dit was sooooo lekker om hulle weer te sien. Hierdie kinders wat al 'n klompie jare saam met ons loop, het so groot geword en hulle is ware staatmakertjies wanneer dit kom by bywoning. Dankie vir die mammas en pappas vir die absolute gereelde bring van hierdie maats!
Ek dink nie daar is 'n groep kinders in die hele UAE en ek kan byvoeg groot deel van Suid-Afrika wat by hierdie klompie kan kom as dit oor musiek en beweging tydens die lofprysing gaan nie. En min of nie het hierdie "cool guys and groovy girls" lekker saamgesing en sommer 'n nuwe liedjie of twee ook uitprobeer. Vir die ouers en grootouers wat hier lees, ons toets gewoonlik liedjies met hulle voordat ons dit by die ander groepe gebruik - hulle's goed!
Hulle word 'n bietjie vertel van ons spesiale nuwe studie wat hulle gaan doen en waaroor ons baie opgewonde is - dit pas hulle soos 'n handskoen. Natuurlik eet en kuier ons ook 'n bietjie om op te vang met die vakansienuus. Ons hoop dat al die ander maats volgende week sal terugwees as ons afskop!
No comments:
Post a Comment