In 'n vorige blog het julle gesien dat ons saam met die Logos Hope se Suid-Afrikaners gekuier en braai het. Hulle het ons toe genooi om saam met hulle op die boot te kom kuier en verlede Woensdagaand ipv selgroep is die boot besoek.
Op hierdie boot is nagenoeg 400 Christene van meer as 40 nasionaliteite wat orals in die wereld rondvaar met die boodskap van "bring knowledge, help and hope".
Ons het lekker saam met die mense aandete gehad in hulle eetkamer voordat ons vir 'n toer deur die boot geneem is. Hulle het ons ook meer vertel van hulle uitreik-aksies na die mense van die verskillende lande waar hulle vasmeer.
In die boot self hou hulle dienste en praatjies en van die boot skakel hulle by die gemeenskappe in en verskaf oa mediese en tandheelkundige dienste. Deur ander te help, wys hulle ook Jesus liefde aan almal. Die boekwinkel wat 'n ongelooflike klomp baie bekostigbare boeke het is hier in Dubai en Abu Dhabi deur alle nasionaliteite besoek en interesant was dat die Bybel die topverkope van die boeke in Dubai was.
Na ons eet en rondloop is daar omtrent in die boekwinkel geshop en almal het met sakke boeke en musiek en roomys daar uitgekom. Nog 'n geseende aand saam met hierdie mense wat vir ten minste 2 jaar op die boot en God se liefde nie net deur woorde nie, maar ook deur dade aan die mense oor die wereld wys.
No comments:
Post a Comment