Gisteraand was ons laaste kindergroep by ECC voor Kersfees en ons het 'n handwerkaand gereel vir die klomp. Elise Kruis wat baie handwerkklasse aanbied was so gaaf om vir ons kinders die aktiwiteit te lei.
Vroeg reeds het sy vir elke kind 'n kerskous met 'n prentjie op geteken, kwassies en verf neergesit dat ons dadelik kan begin. Sy het elke kous self gemaak en die prentjies opgeteken. Vreeslik dankie vir die werk Elise ons waardeer dit.
Ek het nogals gedink weens die langnaweek, eksamens voor die deur en kuiermense sal baie van ons kinders nie opdaag nie, maar meeste van hulle was daar en reg om te begin...
Elise verduidelik vir die klomp wat om te doen en hoe om te begin en almal luister baie mooi.
Vroeg reeds het sy vir elke kind 'n kerskous met 'n prentjie op geteken, kwassies en verf neergesit dat ons dadelik kan begin. Sy het elke kous self gemaak en die prentjies opgeteken. Vreeslik dankie vir die werk Elise ons waardeer dit.
Ek het nogals gedink weens die langnaweek, eksamens voor die deur en kuiermense sal baie van ons kinders nie opdaag nie, maar meeste van hulle was daar en reg om te begin...Elise verduidelik vir die klomp wat om te doen en hoe om te begin en almal luister baie mooi.
Nelmari en Liana is reg om met hulle kouse te begin. Nelmari hoekom het jy 'n kwas in elke hand, verf jy nie net met een hand nie?
Boetie en sussie, Henry en Mariette ook reg om te begin terwyl Thomas (TJ) op die agtergrond al ernstig besig is.
Ansie was net kwassies terwyl Mia haar kous met 'n gemengde kleurtema aanpak. 
Emma se kous gaan ook baie kleurvol wees kan ek sien. Mamma verduidelik waar sy kolle mis.
Die twee sussies, Megan en Ami begin met hulle kouse. Altyd reg met 'n glimlag vir die kamera.
Mamma Vanessa loer oor boeties Liam en Armand se skouer. Sy lyk self lus vir verf. Is die kwas in jou hand Vanessa?
Clark het al mooi begin verf en Christian peins nog oor die kleure lyk dit my.
Claudia se niggies het kom kuier en hier sit sy en een van hulle en verf.
Elise verduidelik iets vir Nelmari en Dominique se niggie. Links sit Liana en haar Kersvader vorder en regs is Dominique met haar groen kerskous.
Ek weet nie is Heleen en Sanette regtig besig of probeer hulle net die kamera vermy? Miskien konsentreer hulle net .... Liana se kerskous vorder ook en op die voorgrond die twee kleintjies s'n. Hulle het handafdrukkies op die agterkant gemaak.
William help vir TJ met sy kous terwyl hy besluit watter kleur volgende.
Dis nie net mammas wat saam verf nie, die pappas kan die versoeking ook nie weerstaan nie. Hier help Emma se pappa met die handafdrukke en Ansie en Mia ook besig.Die kinders se kerskouse het pragtig gelyk .... maar kom kyk more weer, daar was teveel foto's om vandag op te laai.
1 comment:
Dankie vir al jou moeite Sandra. Dit is regtig wonderlik wat julle vir
die kinders (en die ouers) beteken.
Ruanda
Post a Comment