Die jong volwassene bediening is volstoom aan die gang in Abu Dhabi! Alhoewel hierdie bediening losstaande van enige van die kerke in die UAE is met ondersteuning van die Lyndhurst Baptiste Kerk is die uitreik na ALLE JONG VOLWASSENES ongeag kerk of taal.
Een van twee dinge kan in die woestyn gebeur, ons jong mense verloor die Here heeltemal of hulle vind Hom en daarom is hierdie bediening om soveel jong volwassenes en tieners by omgeegroepe, aktiwiteite en kerk ingeskakel te kry.
Die afgelope paar maande is daar drie omgeegroepe begin in verskillende areas in Abu Dhabi, daar was 'n kayak-kamp vir tieners, moonlight-kayak vir die jong volwassenes en 'n geseende eerste worship diens.
Nog dienste, aktiwiteite en omgeegroepe - veral in die oggende vir jong mense wat skofte werk word beplan. Die volgende aktiwiteit is 17 Julie en julle ouens op die adreslys sal kennisgewing kry. Vir die wat ook wil kom saamkuier, of as jy sommer lus het om bietjie te gesels of saam te bid, kontak vir Elriza by elriza_nortjeatyahoodotcom.
1 comment:
Ons bid dat die bediening van krag tot krag sal gaan. Dis so wonderlik om al die goeie dinge te sien gebeur. Pappa seen vir jou Meis
Post a Comment