Daar word vanaand amptelik met ons lessies begin, maar eers kry ons kans om saam te worship.
'n Paar nuwe liedjies word vanaand "bekendgestel" en ek glo dat dit nog baie lekker saamsing liedjies gaan word.
God het alles gemaak leer ons en ons se vir Hom dankie deur goed na alles wat Hy gemaak het te kyk. Ons sing bietjie saam en dan "kleur" ons ons prentjie in met allerhande lekker goed wat mens kan eet.
Ons groei-goggas kyk na die eerste deel van die Jesus fliek oor Jesus se geboorte en gesels daaroor . Ons werk in ons leer en leer ook bietjie van Mexico en die Christene in die land.
Ons versie vir die week word geoefen terwyl ons 'n speletjie speel.
Hierdie groep se lessie het dieselfde boodskap, net 'n bietjie meer op hulle vlak. Die manne maak vanaand hulle paspoorte waarin hulle elke week 'n land sal afteken wat hulle oor praat en vir bid.
Ons gesels oor die lessies van die jaar en demonstreer met eksperimente hoe Jesus beide mens en God kan wees. Daarna gesels ons oor hoe uniek Jesus is en watter name ons ken wat Hy genoem word.
Ons seniors het ook groepbesprekings gehad oor wat dissipels is en hoe ons dissipels kan wees.
No comments:
Post a Comment