In lekker koue weer, iets wat nie baie hier gebeur nie, het ons groep vanaand.
Kinders worship en anders as gewoonlik is daar kleintjies wat warm aangetrek is :-).
Tannie Hanrie is 'n bietjie op vakansie en tannie Adri en tannie Sue Ann help 'n bietjie uit.
Vanaand leer ons dat God het troeteldiere en plaasdiere gemaak en ons verf perdjies en maak skapies.
Maar die versoeking om van die materiaal (springmielies) en gom (versiersuiker) te proe is baie groot en hulle probeer dit almal so ongemerk doen :-).
Ek weet nie hoeveel handwerk huistoe gegaan het, of opgeeet is voor hulle die klaskamer verlaat het nie.
In die ouer groepie vertel tannie Charmaine vanaand vir hulle oor hoe God vir mense omgegee het, vir almal nie net sekeres nie.
Ons maak "Care" boekmerkies.
Daarna om te wys hoe ons harde woorde maatjies kan seer maak en sagte woorde nie, moet ons eers 'n koekie met harde botter probeer smeer en daarna sagte botter.
Ons middelgroep is vandag op 'n stadium buite en ek kry nie kans om foto's te neem nie, hulle praat oor Jesus wat tussen die mense inbeweeg het en so baie wonderwerke gedoen het.
Die junior tieners het hul praatjie oor Jesus se Wonderwerke en speel dan 'n Bybel speletjie. Ek het glad nie by ons snr tieners uitgekom nie, maar hulle onderwerp was dieselfde vanaand.
No comments:
Post a Comment