Na 'n kort vakansiebreuk is ons weer terug by die Kinder- en Jeuggroep.
Vanaand kry ons hulle ampertjies nie stil nie want almal het iets te vertel van die vakansie en daar word lekker saamgesing.
Ons kleintjies se lessie vanaand gaan dat God het visse gemaak, en ons luister mooi terwyl tannie Hanrie 'n storie vertel.
Baie trots op hulle vissies wat hulle gemaak het.
Nog 'n nuwe maatjie in die groep vanaand en hierdie wurmpies se groep is besig om te groei! Baie verspot met die neem van die foto :-).
Ons ouer maatjies kyk weer 'n lessie van die Jesus kinderfliek en vanaand se lesse gaan oor Jesus se ongelooflike krag en hoe Hy dit gewys het deur onder ander die storm stil te maak.
Ons hoor ook hoe Jesus vir baie mense kos gegee het met vyf broodjies en twee vissies en as aktiwiteit moet hulle kyk hoeveel stukkies hulle uit twee broodjies kan kry.
En hierdie klompie het hard probeer glo my, dit was 'n baie ernstige aktiwiteit vir hulle :-).
Ons ouer maats se lessie vanaand gaan oor Jesus wat Sy disipels leer en die storie van die Saaier wat in verskillende grond gesaai het.
Die tieners het ook hulle les, praatjie en gesels oor dieselfde onderwerp en maak dit van toepassing op hulle allerdaagse lewe.
No comments:
Post a Comment