Tannie Eloise stuur vir ons bietjie nuus van die Groei-goggas in Sharjah.
Wat `n pragtige les! Ek was omtrent bewoe met die groot verantwoordelikheid om die les reg oor te dra.
Moet bieg, dit sit nie in enige mens se broek om so `n groot besluit (om jou hart vir Jesus te gee) op `n kinderlike vlak aan te bied nie - PURE GENADE! Dis al wat ons as kinderkerk-tannies in staat stel om dit te kan verduidelik.
Ons "tri-projektor/musiek masjien" het verlore geraak tydens verlede week se Immergroen Ouerskap aanbieding. Met die gevolg dat ons nie kon musiek luister nie, maar ons God is groot.
Ons lokaal is ook die musieklokaal vir die laerskool en hulle het hulle musiek instrumente mooitjies daar agtergelaat - TOT DIE KINDERS SE GROOT GENOT!
Ons het lekker musiek gemaak, die litte los ge-"stap-soldaatjie" en toe die les aangebied.
Dankie Vir die neem van die foto's Eloise, al is dit met die selfoon, dit lyk goed!
Indien iemand weet waar die klomp se projektor is, kontak Sanet of my asb.
No comments:
Post a Comment