Laaste van Die Bybel reeks

Ons laaste lessie vir die jaar voordat die Kersvakansie en eksamens aanbreek.

Verlede week het ons nuwe liedjies begin leer, en vanaand dans en sing hulle al lekker saam. Ons het hulle gevra om te help om bewegings uit te werk en baie vinnig is daar al 'n liedjie of twee wat hulle aksies voor het.

Die kinders kry kaarte om 'n huis mee te bou en nadat almal hard werk om dit gestaan te kry, word dit sommer omgestamp.

Toe word daar koekies en versiersuiker uitgedeel om te wys as ons die "mure" stewig bou, dan tuimel die huisie nie sommer in nie. Net so het ons God se Woord nodig om 'n stewige fondament vir ons te bou.

Ons leer ook vir iets om te groei het mens grond, water en sonlig nodig. Ons as Christene het ons die kerk, Bybel en gebed nodig.

Tannie Heleen, Tommie en haar groepie baie trots op hulle lekker prentjies.

Die ouer kinders het dieselfde boodskap gehad en lees wat die Bybel se, waarvoor ons dit moet gebruik.

Daarna doen hulle 'n aktiwiteit.

Daar word afgesluit met "grond" muffins en "sonskyn" sap.

ECC Die Bybel

Ons is bly om tannie Heleen weer terug te he na haar kort vakansie.

Vanaand luister ons na splintenuwe musiek en die maats tel dit vinnig op en probeer bewegings daarvoor uitwerk. Dis lekker musiek van die huisaf!

Mariette en Hendrie wat nie verlede week hulle bybels gekry het, kry dit vanaand. Christian wat ons sertifikaat vir "worshipper" van die vorige studie "gewen" het, kry dit vanaand. As ek so na die foto's kyk kan ek nie glo dat die kinders so groot word nie. Net nou die dag was Mariette nog in die kleuterskool. Die tannies word al hoe korter.

Die jonger groep begin hulle lessie met "Timmie" (Tommie se neef) wat vertel hoekom mens die regte toerusting nodig het as jy aan iets wil werk of iets wil heelmaak. Vanaand hoor die maats watter "toerusting" ons nodig het om die bybel beter te kan verstaan en te gebruik.

Die bybel het ook versies wat vir ons se hoekom ons dit moet lees en bestudeer. Daarna doen hulle 'n aktiwiteite.

Ons God te worship deur diens

Ons laaste les van 'n kort studie oor Worship waar ons oa geleer het dat om Hom te worship nie net sang is nie. Volgende week begin ons nog 'n kort reeks oor Die Bybel!

Die klompie worship heerlik saam.

DIe jonger groep luister eers wat Tommie die handpop te se het en daarna eet hulle lekker aan die eetgoed wat tannie Heleen hulle bedien. Jesus het ook mense "bedien" deur oa die dissipels se voete te was. Tannie Heleen vertel van die storie terwyl sy TJ se voete was.

Hulle praat ook oor JOY en hoe die woord ons herinner om Jesus eerste, ander tweede en jouself derde te sit as ons na die behoeftes van ander kyk. J - Jesus; O - Other; Y - you. Die maats maak dan plakkate met die woorde en 'n foto van hulleself.

Die ouer kinders doen dieselfde boodskap en nadat hulle die versies in die Bybel lees wat vertel hoe ons ander kan dien, maak hulle ook 'n bord met die woorde JOY op.

Dan is dit tyd om mekaar te "bedien" met lekker warm sjokolade en koekies.

Maak nie saak watter "gift" God vir ons elkeen gegee het nie, ons moet dit gebruik om ander te dien. Alhoewel ons almal op verskillende manier dien, moet ons dit in Liefde doen asof ons besig is om God te dien, wat ons natuurlik deur die daad doen.

Ons leer ons moet gee aan ander

Hierdie klomp kinders is altyd gretig om te begin met die lofprysing. Vanaand was Henry en TJ ywerig om die klank op te stel en deur nuwe liedjies te gaan.

TJ het sommer besluit watter op 'n nuwe liedjie wat vir hom mooi is en die liedjie so van agter die projektor vir die kinders gelei.

Daarna is daar lekker gesing aan van die ou bekende liedjies. Ek kan net noem dat hierdie ouens vir 'n volle 30 min sing en dat daar kommentaar is as ons dit korter maak. Ons les gaan vanaand oor "om te gee/deel".

Tannie Heleen en Tommie vertel 'n storie en dan kry die kinders sjokolade. Party kry 'n handvol en ander kry net een en hulle is nie te gelukkig daarmee nie. Ons hoor dat in die regte lewe almal nie altyd dieselfde kry nie. Die kinders kry dan geleentheid om vir ander te gee totdat almal dieselfde hoeveelheid sjokolades het en leer in die proses dat ons God kan "worship" deur te gee.

Om te wys dat mens nie altyd baie geld nodig het om te gee nie, maak die jonger klompie blomme om vir mamma en/of pappa te gee. Kyk net hoe hard werk hulle daaraan.

Tannie Heleen gee ook vanaand vir elkeen 'n geskenkie en TJ is baie nuuskierig om te sien wat daarin is. Almal met hulle blommetjies.

Die ouer kinders kry geleentheid om te kyk hoeveel balle kan hulle op een slag vashou. Ons leer dat ons net 'n seker hoeveelheid kan ontvang en dan moet ons begin deel met ander.

Die versies wat ons lees is:
G - Generously (Ps 37:21);

I - In secret (Matt 6:3-4);

V - to victums (Deut 15:11);

E - enthusiastically (2 Cor 9:7)

Een van die mees waardevolste dinge wat ons kan gee is dankbaarheid en dit kos niks. Ons kan dankbaar wees vir al die dinge wat God vir ons doen en ons kan Hom worship deur vir Hom dankie te se.

Persoonlik tussen my en God

Nie al die kinders is vanaand hier nie, maar die wat daar is, het ywerig en met groot geesdrif deelgeneem aan die worship.

Ons is besig met 'n "Worship" studie en vanaand gaan die les oor persoonlike worship. En heel eerste worship ons Hom met ons sang!

Dan worship ons Hom ook in die onderskeie groepe deur in die Bybel te lees. Ons lees versies om te sien wat die Bybel se hoe ons tyd saam met God moet spandeer. Kom ek deel wat 3 versies se met julle:

Heb 4:16 - We can approach God with confidence and find help in times of need

Ps 5:3 - When we lay our requests before the Lord, He hears us

Luk 11:9-10 - When we ask, seek and knock, God will respond

.

Ons jonger groep maak handpoppe vir 'n aktiwiteit en kyk net hoe trots is hulle daarop!

Ons ouer kinders lees ook wat die Bybel se oor tyd saam met Hom en ons kyk na 'n video clip oor hoe ons met God kan kommunikeer.

As hierdie groepleier "stout" lyk is dit presies omdat sy stout is. Die koeldrankblikkie word geskud om te demonstreer hoe goeters ons partykeer skud dat ons net soos die koeldrank wil ontplof.

Stilte tyd en alleen tyd saam met God is baie belangrik en dis ook deel van om God te worship!

Ons begin met ons Worship studie

Ons groepie by die ECC kompleks het Maandagaand afgeskop met hulle nuwe studie wat gaan oor "Worship". Alhoewel die groepie dol is oor "worship" soos almal dit ken, gaan ons in hierdie studie ook leer dat om te "worship" nie net is om te sing nie, maar om in alles wat ons doen vir die mense te wys hoe lief ons vir Hom is.

Hier is die klomp besig met hulle sang-worship. Daarna kyk ons ook na 'n kort dvd waar twee vergrootglase met mekaar gesels oor hoe ons God nog Groter kan maak!

.

Elkeen kry iets waardevols en praat hoe almal iets het wat vir hulle waardevol is. Baie keer word waardevolle goed in kluise toegesluit. Ons lees wat die Bybel se oor waardevolle goed en dan vra ons die vrae hoekom worship ons God en op watter manier?

Die 7 manier om te onthou hoe is: W - win others to Jesus, O - Obey God, R - Read the Bible, S - sing praises, H - help others, I - invest in God's work, P - Pray to the Lord.

Ons maak vir ons boekmerkies om te onthou hoekom ons W-O-R-S-H-I-P. Ons versie om te onthou vir hierdie les is in Hebreers 12:28

.

Die studie het ook elke week 'n "sertifikaat" vir een van ons kinders en hierdie week was dit vir die maat wat entoesiasties gedurende die sang was. Hierdie week is ons wenner : Christiaan Smalberger! Worship like that pleases God, who sees our hearts as well as our actions when we worship by singing!

Ek sien uit na ons volgende les. Maats onthou om julle boekmerke terug te bring en ook om julle Bybels saam te bring.

Maandagaand groep sluit af vir die jaar

Die einde van ons jaar breek aan en soos verlede jaar, op versoek van die kinders, hou ons weer piekniek in die parkie. Vir die wat nie weet nie, huise het nie regtig tuine nie vanwee die hitte en spasie, so 'n parkie met bome is net die ding! En het hulle die bome geniet?! Net mooi almal behalwe die tannies was op 'n stadium binne in 'n boom. Sertifikate word uitgegee vir deelname aan die groep, goeie bywoning, uitstekende bywoning, programme wat voltooi is en natuurlik aan die ouens wat gaan kamp het. Loer bietjie ... Klein TJ wat al "kleintjie" is en so gereeld bygewoon het al bly hulle ver weg ontvang sy uitstekede bywoning sertifikaat en die voltooiing van die vrugtefees program. Dominique ontvang een van haar drie sertifikate. Mariette het ook drie ontvang. Christiaan het nie die kamp bygewoon nie, maar hy kry nog steeds 2 sertifikate. Liam kry ook drie. Ami het ook nie gekamp nie en ontvang twee. Sy het 'n uitstekende bywoning. (Haar sussie Megan se foto het nie reg uitgekom nie, maar sy ontvang ook twee met 'n uitstekende bywoning) Daleen 'n uitstekende bywoning en vrugtefees --- sy het vanjaar nie kon kamp weens 'n sportnaweek nie. Clark kry ook twee sertifikate. Hendrie met een van sy drie sertifikate. En so ook Claudia! Hierdie drie dogters, Daleen, Ami en Megan het al 9 die versies van ons Vrugtefees geken aan die einde en hulle kry 'n spesiale geskenk. Ons se ook dankie aan tannies Charmaine en Helene vir al die harde werk, voorbereiding, aanbiedings en liefde gedurende hierdie jaar! Na die sertifikate word daar gekuier en gespeel en geeet. Dankie aan ons ouers wat ook die piekniek bygewoon het. Dankie dat julle die kinders so gereeld bring om die groep bywoon en dankie vir al julle betrokkenheid, ons waardeer julle!! Die tieners hou oa 'n marshallowbraai en maak die heerlikste brandoffers.

Aan almal wat by ons Maandagaand betrokke was, hetsy deur kinders op- of aflaai, hulp, ondersteuning, selfs die lees van die blog en gebede, baie dankie. Ons Vader het werklik die jaar vir ons almal geseen!

Vrugte van Gees - Getrouheid

'n Koel aand en daar word lekker gesing om ons lywe en hartjies warm te maak.

Lyk dit nie lekker nie? Met die vorige les het die sjef belowe om vir die kinders 'n lekker nagereg te maak en vanaand is hy reg daarvoor. Hy skep vir elkeen lekker jellie in wat water voorstel en daarna word daar 'n "bootjie" (halwe peer) op die water gesit. Vir branders word daar room bygesit. En dan kom daar lekker wafer beskuitjies wat die seile van die boot maak. Laaste maar nie die minste nie, word klein jelliemannetjies bygesit om die bemanning te wees. Dit lyk sommer baie lekker en die sjef lyk tevrede. Tannie Charmaine doen bietjie hersiening. Die les vanaand gaan oor getrouheid. God wil he ons moet aan Hom getrou wees en dat ons Hom die nr1 in ons lewe maak. Hoe kan ons Hom eerste in ons lewe maak? Om getrou te wees is om te doen wat jy gese het jy gaan doen en die maats luister mooi. Amy lees die storie voor waar Jesus gevange geneem is in Matt 26:31. Solank ons in Jesus bly en Hy in ons, solank as wat ons naby Hom bly en die Heilige Gees toelaat om ons lewe te beheer, sal Hy ons help om aan God en aan mense getrou te bly. En dan geniet die klompie hulle bootjies.