Maandagaand groep sluit af vir die jaar

Die einde van ons jaar breek aan en soos verlede jaar, op versoek van die kinders, hou ons weer piekniek in die parkie. Vir die wat nie weet nie, huise het nie regtig tuine nie vanwee die hitte en spasie, so 'n parkie met bome is net die ding! En het hulle die bome geniet?! Net mooi almal behalwe die tannies was op 'n stadium binne in 'n boom. Sertifikate word uitgegee vir deelname aan die groep, goeie bywoning, uitstekende bywoning, programme wat voltooi is en natuurlik aan die ouens wat gaan kamp het. Loer bietjie ... Klein TJ wat al "kleintjie" is en so gereeld bygewoon het al bly hulle ver weg ontvang sy uitstekede bywoning sertifikaat en die voltooiing van die vrugtefees program. Dominique ontvang een van haar drie sertifikate. Mariette het ook drie ontvang. Christiaan het nie die kamp bygewoon nie, maar hy kry nog steeds 2 sertifikate. Liam kry ook drie. Ami het ook nie gekamp nie en ontvang twee. Sy het 'n uitstekende bywoning. (Haar sussie Megan se foto het nie reg uitgekom nie, maar sy ontvang ook twee met 'n uitstekende bywoning) Daleen 'n uitstekende bywoning en vrugtefees --- sy het vanjaar nie kon kamp weens 'n sportnaweek nie. Clark kry ook twee sertifikate. Hendrie met een van sy drie sertifikate. En so ook Claudia! Hierdie drie dogters, Daleen, Ami en Megan het al 9 die versies van ons Vrugtefees geken aan die einde en hulle kry 'n spesiale geskenk. Ons se ook dankie aan tannies Charmaine en Helene vir al die harde werk, voorbereiding, aanbiedings en liefde gedurende hierdie jaar! Na die sertifikate word daar gekuier en gespeel en geeet. Dankie aan ons ouers wat ook die piekniek bygewoon het. Dankie dat julle die kinders so gereeld bring om die groep bywoon en dankie vir al julle betrokkenheid, ons waardeer julle!! Die tieners hou oa 'n marshallowbraai en maak die heerlikste brandoffers.

Aan almal wat by ons Maandagaand betrokke was, hetsy deur kinders op- of aflaai, hulp, ondersteuning, selfs die lees van die blog en gebede, baie dankie. Ons Vader het werklik die jaar vir ons almal geseen!

Hoeveel versies ken jy?

Die Abu Dhabi jaar staan op sy kop en nadat ons Maandagaand groepie ons boekies voltooi het, is dit tyd om te kyk wat ons oa geleer het tov versies. Min kinders vanaand (die tieners het 'n ander aktiwiteit) want party is siek, maar nietemin geniet die ander die saamsing. Ons uitdaging vanaand - ipv vrugte het elke vrug van die Gees 'n "lekker" eet of drinkding en moet ons eers die versie ken en opse van die betrokke "vrug" voordat ons dit kan kry. Dus kan elkeen kies hoeveel eetgoed hy/sy versamel deur die hoeveelheid versies wat hulle moet ken. Interessant hoe "kindness" met die donuts die eerste versie was wat hulle kom opse het!

Tussen-in is daar hard geleer aan versies wat hulle nie onthou nie. Elkeen in sy hoekie of saam waar hulle mekaar help. Met sy oe op die eetgoed het klein TJ ook sommer 'n klomp versies kon opse aan die einde van die dag. Ons is sommer baie trots op die klompie wat ALMAL al nege versies aan die einde kon opse! Die tieners was elders besig om Wii te speel.

Ons laaste lessie oor nederigheid en selfbeheersing

Soos gewoonlik begin ons, die groep met heerlike lofsang. Almal neem deel en sing lekker saam. Ek wonder wat het Rikus en Nelmari vir mekaar te se hier. Dis ons laaste les van ons boekie "'n Vrugtefees saam met die Heilige Gees" van KidsXpress wat handel oor Nederigheid en Selfbeheersing. Charmaine vertel vir die kinders dat ons wys dat die Heilige Gees in ons woon deur nederig te wees en selfbeheersing toe te pas. Sjef JT is vanaand ongelukkig nie hier nie en die kinders vra nogal na hom. Ons luister ook na 'n storie van 'n slaaf wat op 'n veiling verkoop is. Ons kry kans om versies te leer sodat ons kan kyk watter groepie ken die meeste en hier is almal hard aan die leer. Dan is dit kompetisie tyd en ons is beindruk met hoe goed almal die versies van die boekie ken. Vir eetgoed is dit vrugteslaai en vla vanaand. Ai tog, die selfbeheersing :-). As deel van die les oor nederigheid kry ons ook geleentheid om mekaar se voete te wys soos Jesus vir Sy vriende in Johannes 13 gewys het om die vrug van nederigheid uit te leef.

Vrugte van Gees - Getrouheid

'n Koel aand en daar word lekker gesing om ons lywe en hartjies warm te maak.

Lyk dit nie lekker nie? Met die vorige les het die sjef belowe om vir die kinders 'n lekker nagereg te maak en vanaand is hy reg daarvoor. Hy skep vir elkeen lekker jellie in wat water voorstel en daarna word daar 'n "bootjie" (halwe peer) op die water gesit. Vir branders word daar room bygesit. En dan kom daar lekker wafer beskuitjies wat die seile van die boot maak. Laaste maar nie die minste nie, word klein jelliemannetjies bygesit om die bemanning te wees. Dit lyk sommer baie lekker en die sjef lyk tevrede. Tannie Charmaine doen bietjie hersiening. Die les vanaand gaan oor getrouheid. God wil he ons moet aan Hom getrou wees en dat ons Hom die nr1 in ons lewe maak. Hoe kan ons Hom eerste in ons lewe maak? Om getrou te wees is om te doen wat jy gese het jy gaan doen en die maats luister mooi. Amy lees die storie voor waar Jesus gevange geneem is in Matt 26:31. Solank ons in Jesus bly en Hy in ons, solank as wat ons naby Hom bly en die Heilige Gees toelaat om ons lewe te beheer, sal Hy ons help om aan God en aan mense getrou te bly. En dan geniet die klompie hulle bootjies.

Vrugtefees, vriendelikheid en goedhartigheid

Mooi klompie van ons kinder is altyd reg vir sing en lofprysing. Ek's sonder my kamera vanaand, en al die foto's is ongelukkig nie so duidelik nie. Hier is die groepie van vanaand - Devon en Lizel kruip in die gange weg :-). Die sjef luister vanaand na Heleen wat glad nie 'n maklike dag gehad het nie. Die tert wat sy vir die groep wou bak en geflop en met haar verduideliking sien/hoor ons, dat sy nie presies volgens die resep gewerk het nie. Hy vat die regte bestanddele en verdwyn na die kombuis, om te kyk of die koek sal werk as hy dit korrek volgens die resep maak. Ons luister vanaand na Johannes 15 waar Jesus vertel van die wingerdstok en hoor wat Jesus se instruksies is wat ons moet volg om vrugte te dra. Jesus vergelyk Homself met 'n wingerdstok en ons met lote. Kan daar druiwe groei as die lote eenkant le? Of as die lote nie kos en water kry nie? Nee .... hulle gaan dood. As ons in Jesus bly en Hy in ons, is ons kinders van God. Dan moet ons aan Hom gehoorsaam wees en slegs dan sal ons vrugte dra, want uit ons eie kan ons dit nie regkry nie. Ons vrugte van die gees vanaand is vriendelikheid en goedhartigheid en tannie Heleen verduidelik vir ons wat dit is. Ons maak ook vir ons vrugte (druiwe) om ons te herinner aan die vrugte van die Gees. Daarna bring die sjef die tert in wat hy volgens die regte resep gemaak het en die kinders geniet dit vreeslik baie, nie eers 'n bietjie bly oor nie. Hierdie man het weg van die stormloop van die groottes, sy stukkie vrugtetert sit en eet..