God werk in ons lewens

In elke kamera se lewe kom daar seker 'n dag wat jy net nie wil foto's neem nie, en 30 Mei was so 'n dag vir myne. Dit beteken egter nie dat daar niks gebeur het by die groep nie.

Worship was soos altyd baie besonders. Dis altyd lekker vir ons kleintjies as ons ouer kinders inskakel vir sang.

Ons klein maatjies het hulle boekie vir die jaar klaargemaak, so hierdie week was daar 'n baie lekker lessie met felt. Vir die ouers wat dit nog van hulle kinderjare onthou, die feltprentjies en boodskap het nog presies dieselfde bekoring vir ons kleintjies en hulle het baie mooi geluister terwyl hulle tannie die lessie vertel het.

Een van ons mamma's (Adele) het vanaand in die middelgroep uitgehelp, en die laaste onderwerp in hulle boek van wereldrekords het gegaan oor "geestelike rekords". Een van die praktiese demonstrasies was 'n ballon wat met bakpoeier en asyn opgeblaas word, iets wat mens nie sommer aan kan dink nie. So ook is daar baie maats wat deur God gebruik wil word om in ons lewens "rekords" te behaal. In ons en deur ons.

Die toets van hoe gekleurde ysblokkies in warm water kan smelt en al die ander water kleur is ook gewys. So wil die Here ook elkeen van ons gebruik om 'n verskil te maak in die mense rondom ons se lewe.

Die laaste les van ons tieners uit die book "Dare to be a Daniel" is ook gehou en dit was 'n aand van groot blessings toe tieners met mekaar gedeel het, van verskillende maniere hoe God in hulle lewens gewerk het. Baie van ons maats het hulle getuienis gegee en dit was voorwaar 'n jaar waarin ons Hom net al die lof en eer kan gee vir wat Hy in en deur ons kinders gedoen het!

Die snr tieners het ook vanaand 'n bespreking oor die Heilige Gees gehad.

Ons moet gereeld bid en vir Jesus dankie se

Ons tieners kuier vanaand almal weer saam in die 'kook'-kamer en die kleintjies ....

Kry kans om soos popcorn vir Jesus te spring :-)

Vanaand se lessie gaan oor Daniel in die leeukuil en die maatjies hoor dat God graag met ons wil praat, dat Hy altyd luister en dat Hy altyd antwoord.

Saam met Daniel leer ons ook meer oor gebed en die maatjies kry elkeen kans om self te bid ook. Kyk net daai mooi leeus, al het van die maanhare in die monde beland :-)

Die middelgroepie hoor die storie van die melaatse man en hoor ook dat ons in dankbaarheid teenoor God moet lewe. Hulle maan hande en op die vingers skryf hulle tien dinge waarvoor hulle dankbaar is en waarvoor hulle vir die Here moet dankie se.

Die tieners word vanaand verlos van die kamera terwyl hulle 'n baie spesiale les/bespreking het.

Ons gaan bowling

Met baie van ons kinders wat 'n vakansiebreuk het, het ons ipv groep bietjie gaan kegelbal speel en dit was groot pret.

Ons het min of meer in ouderdomsgroepe deelgeneem en dit was nogal interessant om almal se "aksies" te sien.

Nie een van hulle het op dieselfde manier probeer om die kegels om te rol nie :-)

Die manne was bietjie meer ernstig met die pogings om die kegels om te kry.

En net soos met die aksie het elkeen van hulle 'n verskillende gesigsuitdrukking gehad nadat hulle gerol het.

En of dit nou vreugde of teleurstelling was, elkeen het nog steeds 'n glimlag op die gesig gehad.

Tussen-in is daar ook lekker met maats gekuier.

Lekker aand saam met al ons pragtige jongmense gewees. Die kampioen van die aand ...... Clark!

Ons is spesiaal gemaak en ons kies om Hom te volg!

Die ouer kinders kuier vanaand almal in die "kook" kamer en ons kleintjies sing 'n bietjie van die liedjies wat spesiaal vir ons is.

Vir klein Erika is alles nog nuut, maar sy kyk mooi wat almal doen.

Tannie Charmaine doen 'n baie belangrike les met hulle vanaand. Hulle hoor die verhaal van die drie konings, Manasse, Amon en Josia en hoe elkeen van hulle moes self kies vir watter god hulle wil bid.

Weer eens luister ons jongste maatjie vanaand baie mooi wat die tannie vertel. Josia het op 'n baie jong ouderdom gekies om God se kind te wees en hulle praat daaroor dat elke kleuter self moet kies om God se kind te wees

Ons maatjies besluit om ook vir God te kies en skryf hulle naampies op die kruis.

Daarna bid hulle en vra vir Jesus om in hulle hartjies te kom woon en hulle sing ook 'n liedjie. Spesiaal is dat twee van ons maatjies nie vinnig genoeg na die lessie kon uithardloop na hulle mamma toe om te se "I have decided to follow Jesus"!

Ons middelgroep volg hulle les verlede keer oor God is die een wat vir ons lewe en asem en alles gegee het op met 'n les waar ons leer om God te loof vir al die wonders van lewe.

Ons hoor weer dat God elkeen van ons spesiaal maak en ons luister na die storie van Maria, Elisabet en Sara se reaksies toe hulle hoor hulle is swanger. Jesus het elkeen van ons op 'n wonderbaarlike wyse geskep. Hulle kry ook kans om iets self (koekies) te skep.

Dis nie so maklik nie :-) en daar word hard gekonsentreer.

Ons tienergroepe het vanaand 'n praatjie en gesprekvoering oor 'n onderwerp op hulle van toepassing.

Wat om te doen in donkertye - diens

Vanaand het ons weer 'n diens en sommer baie van ons jongmense woon dit by.

Elriza en Jana lei die worship waarna Elriza vir ons 'n baie besonderse en geseende boodskap lewer.

Was lekker om almal so saam te he en ons sien uit na die Paasboodskap in April.

God gee ons lewe, asem en alles!

Met die tieners wat nie saamsing vanaand nie, kry ons kleintjies ook kans om 'n nuwe liedjie of twee aan te leer.

Kyk net hoe oulik neem hulle deel aan die lofprysing. Dis klein Erika se eerste besoek en sy verkyk haar nog aan alles.

Andre se mamma help hom ook nog 'n bietjie met die bewegings, maar Jana, Bianca, Zoe en Emma het geen hulp nodig nie.

Vanaand se lessie vir ons kleuters gaan oor Elisa en die weduwee.

Hulle hoor van God se wonderwerke en hoe Hy deur Elisa gewerk het om wonderwerke te doen.

Hulle werkskaart waarop hulle oa sand geplak het en die water en party se gesiggies blou geverf het.

Die middelgroep doen Liggaamsrekords vanaand en ons erken dat God die een is wat vir ons lewe en asem en alles gegee het. Kyk net hoe word daar gedans.

Verlede week het die tieners gepraat hoe om vriende te kies wat Jesus volg en hierdie week doen ons hoe om vriende te kies wat sal opstaan vir dit wat reg is.

Ons senior tieners spring die kamera vry vanaand, maar hulle het 'n lekker groepsbespreking in die boiler room.

God kan ons gebruik maak nie saak hoe oud ons is nie

Dis altyd lekker vir ons as die tieners saam met ons kom lofprysing doen.

Almal sing, spring en dans lekker terwyl ons sing.

Ons kleintjies leer vanaand uit die Bybel van Elisa en Naaman en dat ons nie te klein is om vir ander mense van God te vertel nie. Ons hoor hoe die dogtertjie vir Naaman vertel dat God hom kan gesond maak.

Hulle maak dan 'n dokterstassie met 'n kruis bo-op en sit allerhande noodhulp goedjies binne-in.

Tannie Heleen kan nie vanaand kom nie, en Stephanie staan in by ons middelgroep wat vanaand 'n bybelstorie dvd kyk.

Die tieners se les gaan vanaand oor hoe ons vriende kies wat ook vir Jesus volg. Ons gesels ook oor hoe belangrik vriende is wanneer ons op en vas moet staan vir ons geloof.

Die senior tieners is amper klaar met hulle studie vir die jaar en ek kry darem 'n vinnige kansie om 'n foto daar te neem.

Daar is net een God

En so het die tweede maand van die nuwe jaar alweer tot 'n einde gekom.

Daar word lekker gesing deur ons kleintjies

En ons ouer kinders

Ons kleuters is nog steeds besig met Elia en vanaand leer/hoor hulle ook van die Baalprofete.

Hulle maak 'n klipstapel en vuur van klei om die storie te wys. Hulle leer dat daar net een God is.

Ons middelgroep doen die wonderkombuis in die woestyn en hoe ons God moet vertroue om in ons behoeftes te voorsien. Hy sorg vir ons Sy kinders. Hulle hou kompetisie om te kyk wie die vinnigste n "hotdog" kan opeet.

Ons tieners praat vanaand hoe ons ander na Jesus toe kan lei en eers moet ons 'n kaart teken of beskryf hoe ons van die kerkgebou na ons onderskeie huiste toe kan gaan. Mammas .... julle tieners weet nie hoe om op eie aanwysings die pad huistoe te kry nie hoor :-) Bring ons terug by die manier hoe ons vir ander kan demonstreer of verduidelik dat daar net een manier is om by God uit te kom - deur Jesus. Ons praat en vertel ook vir mekaar.

Aan die einde kry ons briefies van "geheime" maats om te vertel wat spesiaal aan ons is en wat hulle waardering voor het.

Foto's van die snr tieners is maar skaars soos hoendertande. Sal bietjie laat hulle vertel wat hulle presies doen.

Ons oefen vir die Kersopvoering

Desember het hierdie jaar baie vinniger gekom as gewoonlik voel dit vir my en vanjaar het ons besluit om die kinders te betrek by die Kersfees Sangaand.

Ons musikante vir die aand hard aan die oefen.

Die kinders het ook deur die program gegaan sodat hulle weet wat hulle moet doen.

Die kleintjies het nadat hulle hul "item" Bethlehem Ster geoefen het, aangegaan met hulle lessie wat vanaand oor Moses gegaan het. Hulle het geleer hoe God die baba (Moses) opgepas het, en hoe hy elkeen van ons ook oppas.

Daarna het hulle 'n verrassingspartytjie vir hulle tannie Charmaine gehad en omtrent aan die koek gesmul. Dankie aan die ouers wat hier die inisiatief geneem het!

Volgende Maandagaand is ons "konsert" en ons hoop dat al ons mammas en pappas die geleentheid gaan bywoon.

Wees op die uitkyk en vertel ander

Skuus dat ek bietjie laat is met hierdie een.

Vanaand is die tieners ook by en ons sing almal lekker saam.

Verlede week het ons klein mensies gehoor van Josef, sy drome en kleurvolle jas en hierdie week leer ons hoe hy Farao se droom uitle en hy sy broers vergewe.

Ons maak ook mooi krone omdat ons almal liewe Jesus se Koningskinders is.

Ons ouer maats praat oor diere-rekords en hoe mens die gevaartekens wat die Here op ons pad sit om verkeerde dinge te doen, raaksien en gehoorsaam.

Die tieners gesels oor hoe om ander van Jesus te vertel. Ons moet ook "ingeprop" wees soos die lampie om te kan skyn en daarvoor moet ons gereeld ons Bybels lees, bid en God gehoorsaam.

Ons het nie hierdie week 'n foto van ons seniors nie.