Ons gaan bowling

Met baie van ons kinders wat 'n vakansiebreuk het, het ons ipv groep bietjie gaan kegelbal speel en dit was groot pret.

Ons het min of meer in ouderdomsgroepe deelgeneem en dit was nogal interessant om almal se "aksies" te sien.

Nie een van hulle het op dieselfde manier probeer om die kegels om te rol nie :-)

Die manne was bietjie meer ernstig met die pogings om die kegels om te kry.

En net soos met die aksie het elkeen van hulle 'n verskillende gesigsuitdrukking gehad nadat hulle gerol het.

En of dit nou vreugde of teleurstelling was, elkeen het nog steeds 'n glimlag op die gesig gehad.

Tussen-in is daar ook lekker met maats gekuier.

Lekker aand saam met al ons pragtige jongmense gewees. Die kampioen van die aand ...... Clark!

Bowling vir die tieners

Vanaand was daar nie Kindergroep nie omdat een van die ander kerke 'n hele week die lokale gebruik vir 'n kinderkonferensie. Die tieners het egter by Al Wahda mall gaan bowl en eet.

Gelukkig vir hulle is die baan met neon ligte wat beteken dat ek geen foto's kon neem terwyl hulle speel nie. Almal se klere het pers vertoon en die groot balle het soos 'n halloween pampoen met kersie in gelyk.
Armandt, Ricus en Devin het darem stilgestaan vir 'n foto
Wat gaan met die telbord aan? Die eerste wedstryd is deur Ricus gewen met 'n baie goeie eindpoging en Nelmari het die tweede wedstryd gewen. Armandt was in beide wedstryde 2de en die ander plekke sal ek liewers nie noem nie.

Dan is dit eettyd by die foodcourt. Dit was lekker ontspanning voor die eksamen.