Kindergroep by die Afrikaanse Kerk - 4 September

Hierdie week doen ons lessies twee van die nuwe studies en ons hoop dat al die maats nou lekker vakansie gehou het en terug sal wees. Ons se byvoorbaat dank vir ons ouers wat hulle kinders kerk toe gaan bring sodat hulle saam met ander maatjies nog meer en meer van Jesus kan leer.

Die ouer maats wat aan die Tabernarkel werk, gaan hierdie week alles rondom die tentkerk en tabernakel kan ontdek. Julle versie om te leer is Eksodus 25:8. Bring seblief julle Bybels saam!

Die verkleurmannetjies (ons jonger groep), hoor vanaand dat ons vyf kleure, goud, swart, rooi, wit en groen 'n storie vertel en gaan allerhande lekker aktiwiteite doen. Die maats wat ons verkleurmannetjie liedjie se woorde huis toe geneem het, moet onthou om bietjie daarvan te leer.

Sien julle ALMAL moreaand om half sewe!!

Die Jaarbeplanning

Verlede Saterdag het groepleiers van Dubai, Sharjah, Al Ain en Abu Dhabi bymekaargekom om die beplanning vir ons jeug vir die jaar te doen. Ons begin met lofprysing en sing lekker. Hannes lei die vergadering en maak aantekening. Sy "baas" Blommie hou die notule. Daar word ernstig beplan aan oa die materiaal wat ons gaan gebruik, ons visie en missie vir die jaar en watter groot aktiwiteite gaan ons vanjaar vir ons jeug beplan. Ons is opgewonde oor die leerplanne. Vanjaar gebruik Dubai en Abu Dhabi emirate nog verskillende boeke maar teen volgende jaar sal die jeug reg oor die emirate almal dieselfde program volg. Loer op die regterkant by datums om oop te hou en gaan boek hulle dadelik! Ons gaan kamp en lekker saam kuier met ons ander maats in die Emirate!! Natuurlik is 'n teebreuk altyd belangrik. Na die vergadering word die boeke wat ons reeds het uitgedeel en die ander word nou bestel sodat ons almal September aan die lekker nuwe programme kan begin werk! Ons sluit af met 'n lekker middagete by die golfklub. Greg van Al Ain het baie belangrik gevoel want almal het vir hom gekyk ... nie omdat hy "oulik" is nie, maar omdat die olimpiese spele agter sy rug gewys word! Die ander deel van die groep eet saam met Ds Gert. Ouers, ons is baie opgewonde oor wat vanjaar in die groepe gaan gebeur. Die leiers is gereed en vol geesdrif, al wat ons nou wil he is die kinders. Ons wil ook vra dat u as ouers gereeld vir ons leiers en kinders sal bid.

ECC - Ouerbrief 19 Mei

Ons laaste lessie van die skooljaar .... mens kan amper nie glo dat die tyd so vinnig verbygevlieg het nie. Volgende week se ons totsiens vir drie maande. Die inligting vir vanaand se groep is as volg:

Kleuters


Ons hoor Emma is vanaand terug van haar vakansie en ek is seker TJ gaan baie bly wees om haar te sien. Tannie Corine het 'n spesiale laaste lessie en aktiwiteit vir julle.


6 - 12 jariges


Die laaste lessie gaan oor "Celebration" How can we share the Bible with others? en ons versie om te leer Rev 7:9 (In Engels of Afrikaans). Bring julle Bybels saam en kom kyk wat die tannies vanaand vir julle wil vertel en laat doen.


Tieners


Ons het ook aan die einde van die Daniel studie gekom en vanaand se les 13 gaan oor Point to God by telling others how He has changed your life. Ek hoop dat almal vanaand gaan bywoon, ons het 'n spesiale afsluiting vir die studie.

Algemeen

Volgende week is ons afsluiting en ons beplan iets prets vir die kinders en ouers. Dagboek bietjie Maandagaand tussen 18:30 en 20:00! Hier teen Woensdag sal ons die inligting begin deurgee sodat julle vroegtydig kan beplan. Sien julle almal vanaand!!

ECC - Ouerbrief 12 Mei

Ons voorlaaste lesse voordat ons ons werksboek My Volcana Adventure voltooi en ons hoop werklik om al ons maats hierdie week by die groep te he. Dis so maklik om nie te kom nie, daarom wil ons vir almal wat hierdie jaar so getrou bywoon se ons is trots op jou en God is trots op jou dat jy week na week kom om meer van Hom te hoor en leer. Dankie ook vir die mammas en pappas wat net so getrou die kinders bring. Ons weet hulle kan nie op hulle eie kom nie en daarom se ons ook vir julle as ouers baie dankie dat julle deur die outjies te bring, wys dat julle ook commited is.

Kleuters

Hierdie week is daar 'n storie van 'n muur wat gebou word, kan enige iemand raai watter storie dit is?

6 - 12 Jariges

Les 11 is The Messenger, How can we understand the Bible en die versie is John 16:13. Wie van julle leer die versies? Bring ook julle Bybels saam.

Tieners

Ons is ook vanaand op ons voorlaaste lessie nr 12 van die Dare to Be a Daniel boekie. Die les gaan oor hoe mens jou geloof in "aksie" kan sit. Ouens vanaand doen ons iets spesiaal en vir die eerste keer in die Kindergroep. Moet dit nie mis nie!!

Algemeen

Ons beplan 'n afsluitingsbyeenkoms op 26 Mei en sal graag dan wil he al ons maats en ouers moet kom. Dit gee almal genoeg tyd om nog vir eksamens te leer. Meer daaroor volgende week ....maar hou die dag en tyd Maandagaand 26 Mei tussen 6:30 - 8:00 nm oop!!

Sien julle more!

ECC - Ouerbrief 5 Mei

Dis Mei maand en ons laaste maand van Kindergroep by die ECC gebou voordat ons vir die somervakansie sluit. Ons hoop dat ons maats wat vanjaar so getrou gekom het, ook die laaste skof saam met ons sal wees. Nog 3 lessies en 'n afsluiting waarvan ons later meer vertel.

Kleuters

Ons kleuters hoor die storie van die goue beeld vanaand. Kom luister en kyk wat tannie Corine gaan vertel en doen.

6 - 12 Jariges.

Lessie 10 vanaand is "The Tower" - why translate the Bible? Vir die maats wat so getrou hulle versies leer, die versie vir hierdie week is Matt 9:37-38 (In Engels en Afrikaans). Bring julle Bybels saam.

Tieners

Ons doen vanaand Les 11 van ons boekie Dare to be a Daniel, Point to God by telling others about Jesus. Onthou dat julle vir ons moes uitvind van Suid-Afrikaanse "Hero's"

Algemeen

Alhoewel ons afsluit, ouers/kinders onthou dis nooit te laat om nuwe maats en intrekkers in Abu Dhabi se inligting vir ons deur te stuur nie. Om van nie nuwe kinders in te trek kan ons hulle help om in Abu Dhabi tuis te voel veral oor die lang stil somermaande. Die groep by die Afrikaanse kerk wat Vrydagaand bymekaar kom, sal egter nog aangaan deur die vakansie vir die wat dit wil kom bywoon.

Sien julle almal vanaand!

ECC - Ouerbrief 21 April

Die meeste van die vakansiedae is nou verby en nou le die laaste skof van die Abu Dhabi jaar voor. Ek kan nie glo dat dit nog net 5 weke is voordat die eindeksamens vir ons kinders begin nie. Ek hoop dat ons kinders net so getrou soos gedurende die jaar, die laaste paar weke sal bywoon. Vir die maats wat ons lank laas gesien het, ons mis julle ... en sien uit daarna om julle hierdie week te sien!

Kleuters

As julle na hierdie prentjie kyk, watter storie het tannie Corine hierdie week? Het julle reggeraai en Jona en die vis gese? Dan is julle baie slim!

Ek weet dat klein Emma bietjie huis toe gaan vir 2 weke (dis die lekker van nog nie in die skool is nie), maar die groepie gaan voort. Sien uit om ons kleuters te sien en nuwe maatjies is baie welkom.

Aan die onderkant van die brief is nog 'n prentjie van Jona wat julle kan vergroot en uitdruk om in te kleur as julle wil.

6 - 12 jaar oud

Hierdie groepe doen vanaand les #8 uit ons boekie "My Volcano Adventure" en dit handel oor The Path - How do we use the Bible?

Die versie om te leer is Ps 119:105 in Engels en Afrikaans.

Bring julle Bybels saam en kom luister en leer meer oor die Woord van God

Tieners

Ons het ook groep vanaand en ons les handel vanaand oor Point the Way to God. Doen 'n bietjie naslaan werk en kon vertel my van 'n ou met die naam van Shaun Alexander wat Amerikaanse voetbal gespeel het. Volgende week moet julle solank uitboek vir fliek ....meer daarvan later.

O ja en tieners bring asseblief julle boekies saam!

Algemeen

Alhoewel ons klaarmaak vir die jaar, wil ek vra dat as u as ouer van enige nuwe Suid-Afrikaners met kinders in die dorp weet, u hulle van ons groep sal vertel of my hulle inligting laat kry.

Dankie vir al julle wonderlike samewerking en betrokkenheid by u kinders, ons en u kinders waardeer julle!

ECC - Ouerbrief 14 April

Vir die Maandagaand groep is die stres van die eksamen en die ontstres van die vakansie nou verby en breek die laaste stukkie van die Abu Dhabi jaar aan. Ons het net 'n paar lesse vir die jaar oor voordat daai verskriklike lang vakansie aanbreek.

Hierdie week:

Kleuters

Kom luister en kyk 'n bietjie wat tannie Corine vir julle hierdie week beplan. En as julle van nuwe maatjies weet, bring hulle saam.

6 - 12 jariges

Die groepe doen hierdie week die Covenant (What's in the old Testament) en Head & Body (What's in the New Testament). Die versies om te leer in Engels of Afrikaans is Jer 31:3 en/of Kol 1:18. Bring ook julle Bybels saamKyk bietjie of julle die onderstaande Bybelname in die blokkies kan vind?

Abel Adam Amos Boaz Cain Daniel David Elisha Esay Esther Eve Ezekiel Ezra Haggai Hosea Isaiah Jacob James Jeremiah Jesus Joel John Jonah Joseph Luke Lydia Mark Mary Matthew Micah Miriam Moses Nahum Naomi Noah Paul Peter Rachel Ruth Salome Samson Seth Solomon Tamar

Tieners

Ons het hierdie week groep ouens!

Hoop om julle ALMAL gereeld hierdie laaste skof van die "jaar" te sien!

Eksamen

Weens eksamen by verskeie van die skole waar ons kinders betrokke is, sal daar hierdie Maandagaand (vanaand 31 Maart) geen Kindergroep wees nie.

Sterkte met die eksamen maats, ons dink aan julle!

ECC - Ouerbrief 24 Maart 2008

Na 'n kort breuk het ons hierdie week weer groep. Daar sal weer 'n breuk wees vir die ouens wat eksamen skryf en skole wat vakansie het, meer daaroor Maandagaand. Maar moreaand is daar groep en ons sal graag al ons maats daar wil sien.

Kleuters

Hierdie week doen ons kleintjies die storie van Dawid en Goliat. Kom luister bietjie hoe vertel tannie Corine die storie.

6 - 12 jariges

Ons gaan twee lessies kombineer vanaand om te probeer opmaak vir die les wat ons verlede week op uitgemis het. So Maandagaand doen ons Secret Scrolls en The Message en hoor waaroor gaan die Bybel.

Die versies wat julle moet leer, een of altwee in Engels of Afrikaans is Johannes 1:14 en Matt 24:35. (Sien die versies in die regterkant) Bring ook julle Bybels saam!

Tieners

Julle het groep en ons doen vanaand Les 8 - Pick friends who will stand up for what is right. Hoop om jule almal daar te sien.

ECC - Ouerbrief 10 Maart 2008

Die Abu Dhabi jaar is vinnig besig om uit te hardloop en ons het slegs drie maande van kindergroep oor. Aan die einde van die maand het ons een aand wat daar nie groep sal wees nie, maar ons sal almal op hoogte hou. Ek wil weer van die geleentheid gebruik maak om ons ouers te bedank vir die getroue bywoning van ons kinders.

Ons Kleuters

Hulle is nie 'n groot groep nie, maar hulle is elke week 100% daar om na tannie Corinne se stories te luister en die aktiwiteite te doen.

Hierdie week gaan dit die storie van Simson wees, so julle moet kom om te luister ....

Die 6 - 12 jaar groepe

Vanaand doen julle hoofstuk 3 van die My Volcano Adventure en julle gaan hoor Hoe die eerste Bybel gelyk het.

Die versie wat julle moet leer is Matt 24:35. Kyk in die kantlyn is die versies. Julle kan in Engels of Afrikaans leer

Maats bring asseblief julle Bybels ook saam groep toe.

Tieners

Hoe het dit gegaan met julle uitdaging van verlede week? Was julle "braaf" genoeg om Daniels te wees? (Loer terug op die blog as julle vergeet het).

Hierdie week gesels ons hoe om vriende te kies wat Jesus volg.

Indien daar nuwe Suid-Afrikaners is wat belangstel, bring hulle saam of ouers kry vir my die inligting dat ons hulle kan kontak.

Sien uit om julle almal te sien!

ECC - Ouerbrief 3 Maart

Die volgende reelings mbt ons Kindergroep Maandagaand.

Kleuters

Tannie Corinne doen vanaand die storie van die engel wat aan Gideon verskyn het met hulle.

Enige nuwe maatjies is welkom en ouers kan hulle net so na half agt weer huistoe neem en almal kan vroeg in die bed wees.

Dankie Corinne vir al die harde werk met die voorbereiding en die aktiwiteite.

6 - 12 Jariges

Die ouderdomsgroepies werk uit die Volcano Adventure van Disciple land en vanaand is dit die lessie wat gaan oor God Breathed - Where did the Bible come from?

Tannie Heleen en tannie Charmaine het lekker aktiwiteite vir julle beplan, so ek hoop dat al die maats hier gaan wees.

Bring ook 'n nuwe maatjies saam .....

Die versie wat julle moet leer is, 2 Tim 3:16-17. Verlede week het Daleen haar versie perfek geken, wie gaan dit vanaand doen? (Versie in regter kantlyn) Julle kan dit in Engels of Afrikaans leer.

Tieners

Ons werk vanaand weer aan ons studie Dare to be A Daniel.

Bring julle boekies, bybels en skryfgoed en bring iets om te kou en drink saam.

Algemeen

Onthou asseblief ons verandering in tye:

Ons begin nou 6:30 nm en is rondom 8:15 klaar.

Sien julle almal!!

ECC - Ouerbrief 18 Februarie

Verlede week het ons kinders die laaste les van die Discipleland se My Big-Screen Adventure, Showing Jesus around the globe voltooi en volgende week die 25ste begin ons 'n nuwe Adventure. Hierdie week beplan ons die volgende:

Kleuters

Julle het groepie saam met tannie Corinne en ek's seker sy het 'n baie interessante storie om vir julle te vertel.

Ons probeer nog steeds nog 'n maatjie of twee vir hierdie groepie kry, so asseblief ouers as julle weet van enige SA kleuters, laat ons weet. Hulle maak nie so laat klaar as die ouerklomp nie, en die ouers kan hulle teen half nege in die bed hê.

6 - 12 jariges

Ons gaan saam met die tieners 'n dvd kyk vanaand, so bring ietsie om te eet en drink (wat nie mors nie). Onthou ook die uitdaging van wie die meeste versies van ons afgelope reeks kan opsê - daar is 'n GROOT prys te wen!!! (Sien kantlyn vir inligting)

Tieners

As aanvulling van ons lessie verlede week van Dare to be a Daniel gaan ons 'n dvd van Louie Giglio kyk How Great is our God. Hierdie dvd het ongelooflike mooi tonele en as daar enige ouers is wat lus het om dit saam te kom kyk, asseblief kom gerus. Bring 'n kou en drinkdingetjie tieners!!

Kamp

Ons is 13 jongmense van Abu Dhabi wat gaan saamkamp (en twee "ouer" mense) en ek hoop dat julle almal soos ons baie uitsien na die kamp. Die mense wat die kamp reel (o.l.v. Hannes van Dubai) het ongelooflik baie moeite gedoen en ek weet sommer dat julle almal die kamp gaan geniet en die ouens wat nie gaan nie, gaan spyt wees julle was nie daar nie. Die volgende benodighede moet saamgebring word kamp toe:-

Jouself' met 'n positiewe gesindheid en Lus vir die lewe en 'n sterker verhouding met God!

Jou Bybel, notaboek en pen

Gemaklike koel klere en stapskoene!

Warm baadjie en broek (sweetpak)

Slaapsak/Duvet en kussing

Sonhoed en sonbrandroom

Voorskrif/Allergie medisyne (Ouers maak seker dat ons weet van die medikasie)

Mediese fonds kaart (net waar van toepassing)

Badsakkie en handoek

Kamera as jy een het

Flits

Eetgery (dit sluit mes, vurk, lepel, bord, beker en papbakkie in - Papier is lekker, maar pap werk nie lekker daarmee nie) Bring ook 'n afdroogdoek saam om dit af te droog nadat julle dit gewas het!

Pakkie koekies om met ander te deel

Ouers asb nie sakke vol lekkergoed nie want dan eet hulle nie hul kos nie.

Geen PSP's en gameboys nie, bring wel julle kitare!

Die reelings vir die vervoer sal na Maandagaand deurgegee word.

Sien julle Maandag!!

ECC - Ouerbrief 11 Februarie

Die koue weer het "weggetrek" (miskien) en daar het 'n klompie wonderlike goed gedurende die week gebeur.Eerstens het ons Maandaggroep "amptelik" oorgetrek na die nuwe kerkgebou. Dis tye soos die wat mens agterkom hoeveel goed ons al opgegaar het gedurende die jare, maar gooi nou net iets weg... Ons is baie dankbaar teenoor ECC dat hulle vir ons die gebruik van klaskamers en die gebruik van kasse om ons goed in te bêre beskikbaar maak.

Dan het ons ook die voorreg gehad om hierdie naweek die Ester Konferensie in Dubai te gaan bywoon. Ds Elsa Meyer van die Moreleta Park gemeente met haar span het dit hier kom aanbied en dit was 'n belewenis. Ek vertel binnekort meer daarvan. So jammer meer van ons mammas kon dit nie bywoon nie, maar een van hulle, ek noem nie name nie (Erika) het dit net so geniet!

Kleuters 2 - 5 jaar

Ons hoop dat al die maatjies hierdie week hier sal wees. Tannie Corinne sien uit daarna om met julle te werk en ek's seker sy het baie verrassings vir julle.

6 - 12 jaar

Ons is op die laaste les van My Big Screen Adventure en gaan vandag leer hoe Christene kan groei. Die versie wat julle moet leer is Kol 2:6-7 (Sien op regterkant van blok)

Tieners

Ons het groep vanaand. Bring julle boekies en Bybels saam.

Algemeen

Kamp

Die meeste van julle wat kan gaan kamp (10 en ouer) het al kampvorms, bring dit asseblief saam. As van die maats wat verlede week nie by die groep was nie, wil saamkamp, ouers kom vul die vormpie sommer by my in. Vir meer inligting oor die kamp, kan bietjie terug op die bloks.

Nuwe gebou

Kyk mooi na die foto. Hierdie gebou is reg langs die oue. Ons kinders gaan in by die klein deur op regterkant en op met die trappe tot op die eerste vloer. Daar sal iemand wees wat sal help as julle nie seker is nie.

Nuwe SA Kinders

Het julle al die nuwe en ou kinders wat nie deel van ons groep is vertel van die groep? Indien nie, wil ek mooi vra of julle seblief die kinders se inligting vir my kan deurgee dat ons die ouers kan kontak.

Lekker week vir almal en ons sien julle klomp Maandagaand!

ECC - Ouerbrief 28 Januarie

Uiteindelik na 'n lang onderbreking met vakansiedae en eksamens (al is dit nog nie vir almal verby nie) is dit weer tyd vir ons kindergroep om te begin.

Kan julle glo dat die laaste skof vir die jaar aanbreek? Ons sien uit na die kwartaal en hoop om 'n paar nuwe goed, soos 'n kamp, op die program te hê.

Kleuters 2 - 5 jaar

Met klein Mia wat nou daar in Australia sit, hoop ons dat klein Emma en Thomas nog aangaan. Ek weet van nog 'n nuwe maatjie wat binnekort hier in Abu Dhabi gaan wees, maar as julle van nog kleuters weet, laat ons asseblief weet.

6 - 12 jariges

Ons is amper klaar met ons boekie My Big Screen Adventure (Showing Jesus around the Globe) en hierdie week doen ons Lights Out - Why did Jesus Die? Die versie wat julle moet leer is Johannes 15:13. (Sien in kantlyn die versie)

Tieners

Die arme tieners word nog gepepper met eksamens en hierdie keer is dit AIS wat skryf. Ons sal dus nie amptelik tienergroep hê nie, maar as van julle wil kom saamkuier is julle welkom. Sterkte veral vir Lizelle en Armand met die eksamen.

Algemeen

Ons gaan kamp!! Ja .... saam met die SA kinders van die ander Kindergroep en kinders in Dubai en Al Ain word daar 'n kamp vir die naweek van 22 Februarie beplan. Ons sal baie graag wil hê dat al ons kinders moet saamgaan. Die tema van die kamp is Go Daniel en ons sal spoedig meer inligting hieroor deurgee. Tot dan .... ouers gee my 'n aanduiding of u kinders sal kan saamgaan en boek die datum vir hulle. Dit word gehou by 'n wonderlike kampterrein in Sharjah.

Dis ook die tyd waar baie nuwe SA maatjies die land inkom. Nooi hulle saam groep toe en/of laat my hulle inligting kry!

As julle ook weet van iemand wat bereid is om 'n groepleier te wees of om te help by die kinders, ons het dringend iemand nodig vir die kleintjies.

Mammas, gedurende 8 Februarie is daar 'n Ester konferensie vir vroue in Dubai. Loer bietjie so 3 bloks terug vir meer detail en oorweeg dit sterk om saam te kom.

Sien uit om almal van julle Maandagaand te sien ons het julle gemis

Liefde

Sandra

ECC - Ons groet van ons maatjies

Verlede week het ons nie net lekker geverf en kuier nie, ons het ook afskeid geneem van twee van ons maatjies wat hierdie maand Australia toe verhuisAltwee hierdie maatjies is hier in Abu Dhabi gebore en het ons van kleins af by ons in die kindergroep gehad. Dis glad nie maklik om vir julle ouens, Ansie, Francois, Liana en Mia totsiens te sê nie. Ons gaan julle verskriklik mis. Ons bid dat julle gou-gou daar 'n groepie vir die meisies sal kry en dat julle die nuwe uitdaging gaan geniet!

Hier is 'n paar foto's van hulle deur die jare. Ons hoop dat julle gereeld op die blog gaan inloer en vir ons laat weet hoe dit met julle gaan. Geniet die DVD en Liana en Mia leer die Australiese maatjies bietjie om die dansies ook te doen.

Vir die res van julle - Ons het GEEN Kindergroep die res van Desember nie. Loer gerus gereeld in om allerhande interessante nuus en goed op die blog te sien en ook wanneer ons weer bymekaar kom.

ECC - Ouerbrief 3 Desember

Moreaand het ons Kindergroep soos in 'n vorige blog deurgegee en ons doen "crafts". Daar was genoeg kinders wat aangedui het hulle gaan kom. Ek wil weereens almal uitnooi om saam met ons ietsie te kom maak vir Kersfees.

Elize Kruis kom spesiaal vir ons kinders en ouers wat wil, wys hoe om oulike kersitems te maak. Die koste vir die materiaal en verf is Dh20 per kind. Vir almal wat aangedui het hulle kom, julle benodigdhede is reeds aangekoop.

Ek gee later die week, die inligting vir die res van Desember aan u deur. Hoop om almal Maandagaand te sien. (Indien julle meer inligting wil he, kyk net 'n bietjie terug waar ek in die vroeer blog vir julle vertel het.)

ECC - Ouerbrief vir 26 November

Julle sal met my saamstem dat die einde van die kalenderjaar met 'n spoed naderkom. Net nou die dag het die skole begin en nou maak baie van julle planne vir 'n kort vakansie huistoe.

Nuus

Verlede week het heelwat meer van ons kinders probeer om die versies te ken en daarvoor moet ek julle as ouers bedank. Ons kinders sal nie eers probeer as u hulle nie aangemoedig het nie. Baie dankie!!

Die volgende inligting vir hierdie week.


Kleuters

Ons is regtig baie opgewonde oor die kleintjies en die groepie. Arina gaan hierdie week weer help en ons hoop die kleingoed kom. Ons sal natuurlik graag nog kleintjies in hierdie groepie wil hê so ouers luister bietjie as julle weet van enige 2 - 5 jariges.

6 - 12 jariges


Hulle doen hierdie week Why was Jesus Arrested? en die versie is Matt 26:56. Ek het die versie op die linkerkant van die blog vir ons kinders om te leer.


Tieners

Soos op hulle eie briefie sal daar geen groep vir die tieners hierdie week wees nie. Van hulle maats speel in 'n sokkertoernooi by die ACS laerskool en as hulle sou wou kan julle daar kom ondersteun. Laat weet as julle vervoer soek.

Algemeen


Volgens die skooljaarprogramme is daar nou baie breuke en/of eksamens waarby ons kinders betrokke is, daarom sal ons ook binnekort ons breuk vir die jaar hê.

MAAR

Moenie volgende week misloop nie! Ons beplan ietsie lekkers en sal julle teen Donderdag op die blok meer daarvan vertel.


Ouers ons sal dit waardeer as u ons kan laat weet indien u kinders nie die groep kan bywoon nie.


Hoop om almal van julle Maandagaand te sien!

Tieners se Uitdaging hierdie week - 19 November

Tieners verlede week het ons saam gekuier op die kegelbaan en hierdie week is ons terug by die groep vir ons volgende lessie.

Jou huiswerk die afgelope drie weke was om bladsy 21, 22 en 23 van jou werkboekie te voltooi (ons het meeste daarvan in groeptyd gedoen) en om die woord POWER se betekenis vir ons na te slaan.

Ons versie vir die volgende week is:

Ek hoop om almal van julle Maandagaand te sien!!

ECC - Ouerbrief vir 5 November

'n Mens kan amper nie glo dat dit reeds November is nie. Selfs hier in Abu Dhabi word daar orals kersversierings uitgepak en reggemaak vir Kersfeees. Met meeste van ons skole wat 'n kort vakansie in Desember gaan hê, sal ons groep ook 'n breuk neem, maar die kinders wat bly die geleentheid gee om deel van die ECC Kersprogram te wees. Maar dis planne vir Desember.... hier is die inligting vir Maandagaand!

Nuus

Ons het verlede week twee nuwe maatjies gehad en dis altyd vir ons baie lekker. Welkom Clark en Christiaan. Ons hoop dat julle sommer gou tuis en deel van ons groepie gaan wees. Veral Liam en Henry is bly om nog manne in die groep te hê.

Drie van ons maats, Ami, Megan en Daleen het weereens hulle versies 100% geken en klein Liana verdien spesiale vermelding vir haar leer van die laaaaaang versie. Sy het hom ampertjies onder die knie gehad. Dankie aan die mammas en pappas wat hier 'n groot aandeel in het om ons kinders te help om hulle versies te leer.

Kleuters

Ons hoor nog net van nuwes maar sien hulle nog nie, so hopelik binnekort want die klompie is almal siekerig. Ansie as jy weet wanneer hulle gaan kom, gee my vroegtydig 'n skreetjie dat ons vir hulle 'n lessie voorberei en bring. (Jy kan sommer op die blog comment ook)

6 - 12 jariges

Hierdie groepie doen vanaand "Super-Special effects" What did Jesus Do? en hulle versie om te leer is Johannes 20:30 - 31.

Tieners

Van ons tieners skryf hierdie week eksamen so hulle kom nie bymekaar nie ---- sterkte ouens!!! Volgende week is dit ons "social" so hou die blog dop hier rondom Saterdag.

Algemeen

Ons kinders het verlede week ook vir klein Natalie Biagi wat leukemia het kaartjies gemaak wat ons volgende week saam met haar Quilt vir haar gaan stuur. Ek vertel julle later meer daarvan maar wil net hoor of iemand nie weet van 'n gou en goedkoop manier om 'n quilt in Amerika te kry nie?

Sien uit daarna om al ons kinders Maandagaand te sien!!

Liefde

Sandra

ECC - Kindergroep 15 Oktober

Liewe Kinders en Ouers

Neem asseblief kennis dat ons vanwee die Eid vakansie en die feit dat van ons tans besig is op 'n jeugseminaar in Dubai, daar geen groep hierdie Maandagaand gaan wees nie.

Ons sien julle almal volgende week!!

Liefde
Sandra